Kate Middleton, për vite me radhë ësht cilësuar si një ndër influencueset më të mëdha të modës, ndonëse Dukesha nuk duket të ketë asnjë lidhje me këtë fushë. Ajo vishet sipas protokollit mbretëror, ka stilistë që zgjedhin  veshjet për të, por sërish ajo me ndërhyrjet sado të vogla që mund të ketë bërë u ka shtuar më shumë elegancë e sharm, outfiteve.

 

Përpos shumë kufizimeve që lidhen me veshjet, sipas një eksperti të mirësjelljes si Kate Middleton ashtu dhe Meghan Markle e kanë të ndaluar të mbajnë diamante para orës 6 të pasdites, Përjashto rastet e veçanta, Mbretëresha ua ndalon këtë gjë, për një arsye të thjeshtë: Pjestaret e Familjes Mbretërore nuk duhet ta teprojnë me aksesorët gjatë daljeve publike.. Diamantët konsiderohen sipas saj paksa të tepruar për pjesën e parë të ditës, ndaj sipas Mbretëreshës, Kate e Meghan mund të vendosin gjithëfarë bizhuterish, aksesorësh përveç gurëve shkëlqyes.

 

Të jetë kjo vallë arsyeja, përse aksesorët e preferuar të Mbretëreshës së ardhshme janë këto vathë me perla.Kate është parë t’i mbajë këto vathë për herë të parë në 2015, kur Dukesha u shfaq pak orë pas lindjes së Princeshës Charlotte  për të përshëndetur dashamirësit e familjes Mbretërore dhe shtypin anglez.

 

Hera e fundit që është parë t’i mbajë këto vathë ka qenë në maj të 2019. Perlat janë një aksesor i pakohë që mund të përshtaten mirë me çfarëdolloj outfiti ndaj nëse ju mungojnë një palë të tilla, ka ardhur koha të bëni një investim të zgjuar. Më poshtë Living do ju tregojë gjithashtu disa gabimet që duhen shmangur kur mbani perla e disa truke se si t’i pastroni apo ruani.

 

Mos mbani kurrë bashkë në një kuti varëse perlash, flori, argjend apo metale të tjera. Idealja është që perlat të ruhen veçmas, në një kuti të butë me përbërje pambuku. Perlat nuk duhet t’i pastroni me detergjentë kimikë, madje bëni kujdes kur të hidhni parfum, pasi alkooli mund t’i dëmtojë. Ndryshe nga ç’mund të mendohet, perlat pastrohen me pak ujë dhe sapun neutral.

 

Duke qenë aq delikate, perlat mund ta humbasin shpejt shkëlqimin e tyre. Qofshin të kultivuara apo natyrale, perlat kërkojnë kujdes të madh! Ajo që duhet të bëni një herë në kaq kohë që t’i lani me ujë të vakët me pak fare shampo. T’i thani mir dhe t’i ruani në një copë të mëndafshtë të ndara nga bizhuteritë e tjera./Living

 

Leave a Reply

Your email address will not be published. Required fields are marked *