Forcat Demokratike Siriane të mbështetura nga Shtetet e Bashkuara të Amerikës, njoftuan se kanë marrë nën kontroll pjesët e mbetura të Rakës, që shërbente si kryeqytet i ISIS.
Një zëdhënës i Forcave Demokratike Siriane tha për gazetarët se lutimet në Raka kanë përfunduar. Organizata Vëzhguesi Sirian i të Drejtave të Njeriut, me seli në Britani, po ashtu njoftoi çlirimin e Rakës.
Baza e fundit e Shtetit Islamik në qytet ishte një stadium, pasi kishin marrë më parë nën kontroll një spital, që po ashtu, shërbente si komandë e Shtetit Islamik.
Ofensiva për dëbimin e Shtetit Islamik nga Raka filloi në qershor dhe u mbështet me sulme ajrore nga koalicioni i drejtuar nga Shtetet e Bashkuara.
Raka ka shërbyer si kryeqyteti i Shtetit Islamik, vendi nga ku planifikoheshin sulmet në vende të ndryshme, ku u festuan fitoret në Irak e Siri të IS-it dhe kryheshin ekzekutimet. Shteti Islamik vazhdon të kontrollojë rajonet përreth Deir el-Zour-it dhe zona të tjera më në jug në luginës së lumit Eufrat.
