Interi ka zhgënjyer sërish këtë të martë në ndeshjen e kthimit në Champions League përballë Bodo/Glimt, duke u mundur 1-2, dhe me rezultat të përgjithshëm 2-5.
Zikaltrit e nisën vrullshëm fillimin e ndeshjes, duke krijuar përshtypjen se do të përmbysnin rezultatin e ndeshjes së parë në Norvegji, por mesa duket as në ndeshjen e parë e as sot nuk ka qenë faji i fushës dhe i ngricës.
Pjesa e parë u mbyll në barazim pa gola. Ndërkohë, me nisjen e pjesës së dytë, sërish ish-milanisti Hauge kalon miqtë në avantazh, duke e bërë edhe më të vështirë ndeshjen për skuadrën e Kivu.
Ndërkohë norvegjezët do të dyfishonin shifrat në minutën e 72 me anë të Evjen. Ndërsa zikaltrit do të ngushtonin diferencën me anë të Bastonit 4 minuta më pas, por gol që vlejti vetëm si statistikë.
Në sfidat e tjera, Bajer Leverkusen vijon më tej, falë fitores së parë në Greqi, pasi në përballjen e sotme e mbyllën në barazim pa gola përballë Olimpiakos.
Ndërsa Njukasëll ka fituar 3-2 përballë Karabak, edhe pse e kishte siguruar kualifikimin që në sfidën e parë me fitoren 6-1.
Po ashtu edhe Atletiko Madrid ka kaluar në fazën tjetër pas fitores 4-1 përballë Klub Bruzh në sfidën e sotme.
