Liderja e Hong Kongut, Carrie Lam për shkak të zhurmës së bërë nga deputetët e opozitës është detyruar që të ndërpresë fjalimin vjetor në parlament.
Sipas mediave ndërkombëtare pas ndërprerjes së parë, sesioni vijoi por jo shumë gjatë.
Kur u ndërpre sërish, shefja ekzekutive e Hong Kong vendosi që të mos e vazhdojë fjalimin por të transmetojë një video. Prej muajsh, në Hong Kong zhvillohen protesta kundër projektligjit të ekstradimit.
Projekt-ligji u pezullua në korrik kur protestuesit hynë në parlament, por mbledhja e së mërkurës ishte seanca e parë e Këshillit Legjislativ. Ndërsa shefja ekzekutive Lam ishte gati të fillonte fjalimin e saj, ligjvënësit e opozitës filluan të bërtisnin dhe të ngjiteshin në tavolina.