Ish-këshilltari i presidentit Trump per Sigurinë Kombëtare, Michael Flynn, do të përdorë të drejtën që i jep Amendamenti i Pestë i Kushtetutës për të mos iu përgjigjur kërkesës së Senatit për dorëzimin e dokumenteve që lidhen me hetimet rreth ndërhyrjes së Rusisë në zgjedhjet presidenciale. Dokumentet kërkohen nga Komisioni i Senatit për Çështjet e Zbulimit si pjesë e hetimit që po kryen. Flynn kishte kerkuar me pare imunitet nga hetimet, ne rastin e publikimit te dokumenteve te cilësuara prej tij si shume konfidenciale.
Hetimi i Komisionit te senatit është vetëm njëri mes disa hetimeve që po kryhen rreth bashkëpunimit të mundshëm të ekipit të fushatës te Trump dhe Rusisë. Presidenti e shkarkoi këshilltarin e tij pasi u vërtetua se ai nuk i kishte treguar të vërtetën Zv/Presidentit Mike Pence ne lidhje me nje takim te zhvilluar me ambasadorin e Rusisë ne Uashington. Mediat shkruajnë se tashme Flyn rrezikon ndjekjen penale, si e vetmja mundësi per t’i shkuar deri ne fund dyshimeve per lidhje te tij me ruset.
