Edhe pse kanë kaluar 3 ditë nga shpërthimi katastrofik i vullkanit “Fuego” në Guatemalë, gjendja vazhdon të jetë kritike pasi shpërthimet po vijojnë. Riaktivizimi nuk pritej pasi nuk ishte paralajmëruar nga sizmologët dhe i ka zënë në befasi ekuipazhet e emergjencës. Bilanci i viktimave ka shkuar në 75 ndërsa afro 200 persona raportohen të zhdukur.
Kërcënuese është rrjedha e përzierjes se gazrave dhe materialeve vullkanike. Shumë fshatra kanë mbetur nën rrënoja dhe janë mbuluar tërësisht nga hiri, duke u bërë të paarritshëm nga skuadrat e shpëtimit. Më shumë se 1,7 milion njerëz janë prekur nga shpërthimi ndërsa më shumë se 3,000 janë evakuuar.
Banorët ishin trajnuar për situatat emergjente, por nuk ishin në gjendje t’i zbatonin rregullat ato sepse aktiviteti vullkanik ndodhi shumë shpejt.
“Fuego” konsiderohet i ngjashëm me Vezuvin në Itali i cili në vitin 79 shpërtheu duke varrosur qytetin romak të Pompeit nën një shtresë të trashë hiri.
