Dalin në dritë të tjera detaje lidhur me vrasjen e të riut Gjin Ndoji në Shkodër këtë të diel.
Mësohet se një kilometër larg vendit të ngjarjes është gjetur një automjet i djegur që dyshohet të ketë qenë i autorëve që kanë kryer krimin.
Po ashtu, nga burimet bëhet me dije se targa e makinës tip “Benz” është vjedhur në qytetin e Durrësit.
Sipas policisë, një qytetare ka denoncuar vjedhjen e targës së mjetit të saj në datën 20 qershor.
Gjin Ndoji njihej edhe me mbiemrin Boriçi. Pista kryesore ku po heton policia për ekzekutimin e tij është ajo e gjakmarrjes.
