Që do të jetë një nga dasmat më të bukura që ka parë showbiz-i shqiptar, kjo është mëse e sigurtë. Detajet janë ato që bëjnë diferencen dhe në dasmën e Orindes dhe Turjanit, detajet janë të shumta. Kur po flitet për ftesën e veçantë, skenarët policesk të dasmës dhe fustanin e nuses, ju garantojmë se akoma nuk keni parë asgjë!
A e dini se përveç ftesës, të bërë publike tashmë në mediat sociale dhe jo vetëm, ka dhe një ftesë tjetër? Po po, e dizenjuar me shumë kujdes dhe e përshtatur për të ftuarit e familjeve, është një tjetër detaj.
Orinda dhe Turi kanë dashur, që mbi të gjitha dasmë të jenë të gjithë njerëzit, që gëzojnë bashkë me ta për këtë ngjarje të rëndësishme në jetën e tyre. Ftesa më poshtë është ajo e familjes, e cila ka mbledhur bashkë një rreth të ngushtë të të afërmve, që do ti bashkangjiten gëzimit të çiftit.
Vargjet e përdorura në ftesë janë të shkëputura nga Bibla, të preferuarat e nuses, që do ti përdorë dhe gjatë ditës së saj të madhe. Si do ti përdorë? Duhet të jesh i ftuar në dasmë për të zbuluar disa surpriza, jo të gjitha janë për tu thënë!
Ndonjëherë nuk është e nevojshme të kesh, por të dish, ndaj kjo dasmë do të jetë për tu mbajtur mend dhe për të mbajtur shënime, na besoni do t’ju vlejë shumë për të mësuar se si të organizoni dasmën tuaj!
