Rreth 50 punonjës të transportit publik në Vlorë protestuan këtë të martë para Prefekturës për çështjen e pagës së luftës.
Punonjësit thanë se prej tre muajsh janë të papunë dhe se janë përjashtuar padrejtësisht nga lista e paketës së ndihmës.
Ata i bën apel instancave shtetërore që të veprojnë dhe ta marrin në konsideratë kërkesën e tyre pasi ndodhen në vështirësi financiare dhe nuk mund ta përballojnë dot jetesën.
Sipas shoferëve të autobusëve, shkak për përjashtimin nga paketa e ndihmës është bërë mbyllja e aktivitetit para urdhrit të dhënë nga qeveria për përfitimin e pagës.
