Moderatorja e njohur e programit ‘My Living’ në ‘Vizion Plus’ dhe ‘Tring’, Brunilda Lahe ndau me të gjithë lajmin e largimit nga ky projekt televiziv duke treguar se nuk do të jetë drejtuesja e sezonit të ardhshëm.
Ka kaluar kohë dhe unë kuptoj se shijet e mia kanë ndryshuar, dizajni dhe personazhet e “Living” më kanë bërë të prirem ndaj një jete më të shëndetshme ku i kushtoj më shumë kohë vetes, pasioneve të mia.
Në Living vërtetova shprehjen se kur ndihesh mirë me veten, reflekton mirësi e pozitivitet me këdo që të rrethon”. E Bruna prej katër vitesh ka bërë pikërisht këtë gjë, ka reflektuar mirësi e pozitivitet në ekran, si rrallë kush.
Këto fjalë i shkëputëm nga një intervistë e Brunës në një prej numrave të revistës Living, për rolin e saj si moderatore dhe imazh i “My Living”. Në programin më të ndjekur e popullor për mënyrën e të jetuarit, ideuar me mjeshtri nga autorja Matilda Terpollari, Bruna ka intervistuar me qindra personazhe në katër vite transmetim dhe ditën e sotme ajo dha lajmin e trishtueshëm që sezonin e ardhshëm , atë të nëntin, Bruna nuk do të jetë më pjesë! Ajo shprehet se ky projekt është përtej saj, pertej nesh dhe është e bindur që të gjithë ndjekësit e emisionit e jo vetëm do të jetojnë bukur do të jetojnë me Living.
Në promon e emisionit publikuar ditën e djeshme, Bruna kishte falënderuar stafin, kolegët e të gjithë njerëzit që kanë punuar për të sjellë çdo të shtunë My Living, e shprehet se ky program ka qenë sfida me e madhe qe e rriti profesionalisht e i dhuroi kënaqësi e gezime pa masë !
Por nëse mendoni se Bruna po e lë My Living për një tjetër projekt, gaboni. Në puntatën e fundit të emisionit ajo dha lajmin e gëzueshëm që është në pritje të ëmbël. Me zërin që i dridhej e sytë e përlotur Bruna shprehet se vitin tjetër ajo do të takojë dikë tjetër që do e pasurojë edhe më shumë.
“Do të takoj një krijesë të mrekullueshme e cila do të më lumturojë në jetën time, takimi me të është gjëja më e jashtëzakonshme që po më ndodh, ndaj do ta ndaja me ju, shikuesin e My Living. Ai është bebi im të cilën unë do ta sjell në jetë. Ju uroj të gjithëve jetë të lumtur e pushime të mbara” përfundon kështu Bruna duke na emocionuar të gjithëve!