Një gjykatës në Dakotën e Jugut, SHBA, ka akuzuar punonjësit e policisë të cilët shoqërojnë të burgosurit në sallën e gjyqit, pasi ata nuk kanë pranuar të tregojnë statusin e tyre të vaksinimit të Covid-19.
Sipas gjykatësit, Charles Kornmann, nëse ruajtësit e rendit refuzojnë të tregojnë statusin e vaksinimit, kjo do të thotë se ata nuk mund të shoqërojnë të pandehurit pasi kjo sjellje sipas tij konsiderohet dhunim dhe rrëmbim.
Gjykatësi u ka dërguar një letër autoriteteve për të ditur nëse punonjësit janë apo jo të vaksinuar. Çështja është kthyer në një problem etik në këtë vend, pasi punonjësit e tjerë mendojnë së është cënim i privatësisë së tyre.
“Ne nuk po flasim për politikë ose teori konspirative. Ne po flasim për shkencën dhe për të mbrojtur të gjithë njerëzit që janë këtu, ne që i shërbejmë publikut këtu, si dhe juristët, avokatët dhe palët që vijnë në këtë ndërtesë”, kishte shkruar gjyqtari. “Nëse refuzoni të merrni vaksinat, unë dua ta di se kështu mund të vendos se çfarë veprimesh të mëtejshme kërkohen nga ana ime.”
Rregullat aktuale për gjykatat e Dakotës Jugore thonë se të gjithë personat jo të vaksinuar plotësisht duhet të mbajnë maskë fytyre. Por, vendimi nuk pezullon personat e pavaksinuar të mos kryejnë detyrën e tyre, ndaj edhe stafi ka kundërshtuar thirrjet e gjykatësit.
