Katie Holmes dhe Jamie Foxx kanë konfirmuar më në fund dashurinë e tyre pas shumë vitesh, një marrëdhënie të cilën janë munduar ta mbajnë sa më sekret.
Çifti, që mendohet se është lidhur që prej vitit 2013, më në fund është shfaqur në publik së bashku, duke shijuar një ditë të këndshme në plazh.
Katie dhe Jamie kishin marrë masa të jashtëzakonshme për të mbajtur marrëdhënien e tyre sekrete, ku sipas thashethemeve, ish-bashkëshorti i Katie, në divorcin në vitin 2012, kishte përfshirë një dokument ku ndalohej që Katie të bënte lidhjet e saj publike për 5 vitet e ardhshme.
Pas gjithë këtyre viteve, dyshja nuk ka mundur të fshehë më ndjenjat për njëri-tjetrin, duke shtrënguar duart dhe buzëqeshur ndërkohë që shëtisnin në bregdetin e Malibu, ditën e hënë.
