Lirohet nga qelia Astrit Avdylaj, një nga të arrestuarit e dosjes 339. Bashkë me të janë liruar edhe tre anëtarë të tjerë të grupit. Shkak është bërë kalimi i afateve të paraburgimit.
Mësohet se gjykata ka caktuar masën e sigurisë “arrest shtëpie”.
Avdylaj dhe tre të tjerët që kanë dalë të lirë sot i përkasin operacionit ”Vol-Vo 4” në 2018, ku një grup prej 22 personash u arrestuan në lidhje me një laborator heroine të pikasur në fshatin Brenogë të Hasit. Avdylaj dhe grupi i tij u akuzuan për trafik droge dhe pjesëmarrje në grup të strukturuar kriminal.
