Deputeti i opozitës parlamentare Adriatik Alimadhi është përplasur këtë të enjte në seancë plenare me kreun e Kuvendit, Gramoz Ruçi.
Gjatë fjalës së tij, Alimadhi ngriti shqetësimin e mungesës së parkimit te Kuvendi, duke u nisur nga ndëshkimi me gjoba që kishte marrë nga efektivët e policisë.
“Vërej një shqetësim në lidhje me problemet e mia personale. Se di nëse e kanë dhe deputetet e tjerë. Nuk kemi atë rregullimin që duhet të mjeteve tona sepse kemi marrë gjoba nga punonjësit e Policisë dhe mendoj që të gjendet një mënyrë, pak a shumë nga ju. Të rregullohet”, tha Alimadhi.
Mirëpo Ruçi i kërkoi që të ulet, me argumentin se nuk është çështje me interes të lartë që kërkon për t’u diskutuar në Parlament. “Të merremi në seanca për parkimet e makinave! Ulu! Nuk është për procedurë ku do të parkosh makinën ti.”
