Ish-trajneri i kombëtares shqiptare, Gianni De Biasi ka apeluar shqiptarët që të ndërgjegjësohen për koronavirusin. Në një intervistë për “Vizionin e Pasdites”, De Biasi tha se Shqipëria duhet të shohë se çfarë bëhet në Itali dhe të mos e pësojë si ajo. Ai uroi që të vendi ynë të mos ketë të njëjtin fat si në futboll.
“Jo, unë shpresoj që Shqipërisë mos t’i bëhet gol në momentin e fundit. Une besoj se keni fatin që keni një shembull përpara, Italinë, që ka kërkuar me të gjitha mënyra të përmbajë një problem që në fillim ishte pakëz i nënvlerësuar. Askush nuk mendoi se do të kishte një përhapje të madhë të këtij koronavirusi. Po, po, kam kontaktuar shpesh me miqtë e mi, prej të cilëve po përpiqem të kuptoj situatën. Këtë mëngjes kam folur me presidentin Duka, me mori ai rreth orës 9 të mëngjesi, e më tha se ishte pak i shqetësuar prej të gjitha lajmeve që vijnë nga Italia, me të drejtë. Normalisht, ka dhe shqetësim për të bijtë që janë në Londër, dhe në këtë pikëpamje është shqtësimi i babait të një familje që shpreson se të gjitha gjërat do të shkojnë për mirë. Sot, nuk mund të shkoj te ime më, që jeton 15 kilometra larg meje, e nuk mund të shkoj te ime motër e im vëlla.”
Komenti i De Biasit erdhi pas deklaratës së pak ditëve më parë të kryeministrit Edi Rama, i cili po ashtu tha se nuk duhet ta pësojmë në këtë situatë, ashtu siç Kombëtarja pësoj gol në fund.
