Parlamenti britanik u pezullua zyrtarisht për pesë javë rresht, deri më 14 tetor, Ceremonia mëngjesin e kësaj të marte u shoqërua me zemërimin e deputetëve.
Ndërsa protestuesit jashtë ndërtesës mbanin në duar pankarta me mbishkrimin “Tradhtarë të vullnetit të popullit”.
Boris Johnson nuk ia doli të cojë deri në fund planin e tij për zgjedhje të parakohshme ndërsa zvarritja e divorcit me BE është shndërruar në një vorbull përcarjesh serioze mes qeverisë dhe parlamentit.
Për herë të dytë ligjvënësit votuan kundër kërkesës së kryeministrit.
Në total 293 deputetë mbështetën mocionin e Johnson, shumë më pak nga sa nevojitej.Më herët, opozita konfirmoi se nuk do ta mbështeste mbajtjen e zgjedhjeve në muajin tetor, me pretendimin se më parë duhet të implementohet një ligj që parandalon një Brexit pa marrëveshje.
Për më tepër, Kryetari i Dhomës së Komunëve, John Bercoë, një figurë simbol në Britani, njoftoi dorëheqjen. “Ne po e dobësojmë vetë këtë parlament duke rrezikuar veten”-u shpreh ai.
31 tetori është data kur Britania pritet të shkëputet nga unioni,me ose pa marrëveshje.