Kiriakos Micotakis do të jetë kryeministri i ri i Greqisë, pas fitores së thellë në zgjedhjet e parakohshme parlamentare.
Partia opozitare e qendrës së djathtë Demokracia e Re, mori stafetën e pushtetit pasi fitoi bindshëm 39.8% të votave, duke lënë pas partinë Syriza të kyeministrit Alexis Tsipras me 31.6% dhe 86 vende në parlament.
Forca e tretë në garë renditet KINAL me 8.3 perqind, e njekur nga ekstremi i djathtë zgjidhja Greke me 3.7 përqind, ndërsa partia Mera 25 e ish ministrit të fiancave Janis Varufakis arriti të hyjë në parlament duke siguruar 9 vende.
Ndërsa ekstremistët nacionalistë të Agimit të Artë pas shtatë vitesh në parlament nuk arritën të kalojnë pragun duke mbetur jashtë.
Micotakis u paraqit në presidencë i shoqëruar nga bashkëshortja dhe tre fëmijët ku bëri betimin si kreu i ri i qeverisë .
Me pas u drejtua per ne zyren e tij të re ku mori detyrën nga Alexis Tsipras.
Partia konservatore greke, Demokracia e re rikthehet në pushtet me premtime për ulje tatimesh, më shumë punësim dhe investime. Ajo siguroi në parlament 158 deputetë e cila i jep garanci për të qeverisur e vetme.
Ndërkohë që kabineti i ri qeverisës do të prezantohet të martën, mediat e vendit fqinj kanë nxjerrë edhe emrat e parë të ministrave. Mes tyre bie në sy emri i Nikos Dhendhias si ministër i jashtëm.
Dhedhias ka qenë një zë i fortë i opozitës së detitanishme për mbrojtjen e minoritetit grek në Shqipëri.