Gjykata e lartë e Bashkimit Evropian të martën la në fuqi një gjobë prej 2.4 miliardë eurosh të vendosur ndaj Google nga Komisioni Evropian për abuzim me pozitën e tij dominuese duke favorizuar shërbimin e vet.
Gjoba buron nga një hetim antitrust nga Komisioni Evropian që përfundoi në vitin 2017. Komisioni më pas vendosi se Google kishte favorizuar shërbimin e tij ndaj atyre të konkurrentëve të tij.
Google më pas apeloi vendimin në Gjykatën e Përgjithshme, gjykata e dytë më e lartë e BE-së, e cila gjithashtu la në fuqi gjobën. Kompania apeloi sërish në gjykatën më të lartë të BE-së, Gjykatën e Drejtësisë së Bashkimit Evropian (CJEU) .
GJED-ja e hodhi poshtë ankesën sot, të martën, dhe la në fuqi gjobën e Komisionit.
Komisioni Evropian fitoi sot një “betejë” të madhe gjyqësore kundër Apple , me gjigantin e teknologjisë amerikane që tani është urdhëruar të paguajë 13 miliardë euro taksa të prapambetura.
Historia e çështjes
Në vitin 2014, Komisioni Evropian nisi një hetim mbi detyrimet tatimore të Apple në Irlandë, selinë e BE-së të gjigantit të teknologjisë
Në vitin 2016, Komisioni urdhëroi Dublinin të rikuperonte deri në 13 miliardë euro taksa nga Apple, duke thënë në atë kohë se kompania kishte marrë përfitime të paligjshme tatimore nga Irlanda për dy dekada.
Në vitin 2019, Apple dhe Irlanda apeluan vendimin e Komisionit dhe në vitin 2020 Gjykata e Përgjithshme e BE-së mbajti anën e gjigantit të teknologjisë amerikane.
Komisioni nga ana e tij apeloi kundër vendimit të Gjykatës së Përgjithshme, duke e dërguar mosmarrëveshjen juridike në Gjykatën e Drejtësisë së Bashkimit Evropian, organi më i lartë gjyqësor në BE. /vizionplus.tv
