Reshjet e shiut kanë shkaktuar probleme në një pjesë të segmentit që lidh qytetin verilindor të Kukësit me Rrugën e Kombit.
Për shkak të terrenit të paqëndrueshëm, nga shiu pati rrëshqitje masive dherash. Si pasojë, njëri krah i rrugës u bllokua, ndërsa drejtuesit e mjeteve janë ankuar, pasi situata sipas tyre përsëritet sa herë ka reshje.
Krahas bllokimit të rrugës, nga rrëshqitja rrezikojnë dhe rreth 40 shtëpi, të cilat ndodhen në pjesën e sipërme të kodrës.
Ndërkohë, kanalet kulluese nuk ekzistojnë, pasi janë të bllokuar nga balta dhe inertet.