Gjykata e Krimeve të Rënda dha masën e sigurisë arrest me burg për ish-drejtorin e përgjithshëm të burgjeve Artur Zoto. Ai akuzohet për korrupsion gjatë procedurave të prokurimit publik për blerje ushqimesh per institucionet e vuajtjes se dënimit.
Per te njëjtën çështje në pranga përfundoi edhe ish-zëvendësi i tij Iljaz Labi. Sipas organit të akuzës, administratorët e kompanive bënin marrëveshje për të kryer konkurrim fiktiv në tenderat e Drejtorisë se Përgjithshme te Burgjeve për furnizimin me ushqime. Më pas ata takoheshin me njëri-tjetrin dhe binin dakord në mënyrë që të fitonte njëri prej tyre. Ndërsa drejtuesit e larte te burgjeve përfitonin nje pjese te parave.
