Arratisja e Grevskit nga Shqipëria në drejtim të Hungarisë vende nuk ka marrë një përgjigje nga klasa politike shqiptare.
E pranishme në një takim në pikën e kalimit kufitar të Hanit të Hotit, kryetarja e Komisionit të Sigurisë, Ermonela Felaj deklaroi se kjo çështje nuk i takon deputetëve të komisionit që ajo drejton.
Sipas Felajt, një përgjigje për këtë çështje mund ta japin vetëm organet e hetimit.
“Këtë përgjigje nuk mund ta jap si kryetare e komisionit të sigurisë. Më përpara kam qenë prokurore dhe për këtë përgjigje mund të japin vetëm organet e hetimit si ka ndodhur kalimi, nga ka hyrë apo nëse ishte apo jo në kërkim në momentin kur ka kaluar përmes Shqipërisë. Nuk është një çështje objekt i deputetëve të Komisionit të Sigurisë”
Komisioni I Sigurisë së bashku me përfaqësues të OSBE zhvilloi këtë të martë një takim në pikën Kufitare të Hanit të Hotit për të evidentuar nga afër nevojat që kanë pikat e kalimit kufitar.
