Apple ka prezantuar dje modelin më të ri të telefonit të saj inteligjent, iPhone Air, gjatë eventit vjetor me titull “awe-dropping”, të mbajtur të martën në selinë e kompanisë në Cupertino. Telefoni ka një trashësi prej vetëm 5.6 mm, çka e bën më të hollin ndonjëherë nga Apple, dhe është ndërtuar me material “titanium hapësinor”. Me ekran 6.5 inç dhe ngjyra që “evokojnë lehtësi”, iPhone Air premton rezistencë ndaj goditjeve dhe performancë të lartë, pavarësisht përmasave të tij. Porositë fillojnë këtë të premte dhe shitja zyrtare nis më 19 shtator, me një çmim prej 999 dollarësh.
Krahas iPhone Air, Apple prezantoi edhe versionet e reja të iPhone 17 Standard, Pro dhe Pro Max, të cilat vijnë me përmirësime në kamera, kapacitet më të madh memorie, jetëgjatësi më të mirë të baterisë dhe një funksion të ri që regjistron njëkohësisht me kamerën e përparme dhe të pasme.
Detajet kryesore:
iPhone 17 bazë: ekran OLED 6.3″ me ProMotion 120 Hz, chip A19, përmirësime në kamerën e pasme (sistemi 48 MP dual fusion) dhe kamerën frontale 18 MP; çmimi fillon nga $799, me kapacitetin bazë 256 GB. Disponohet në ngjyra si black, lavender, blue, green, white.
The Verge
iPhone 17 Air: një pajisje ultra-e-hollë vetëm 5.6 mm trashësi, me kornizë titaniumi, ekran 6.5″, eSIM-only botërisht. Çmimi fillestar është $999. Ofron performancë në nivel me modelet Pro të serisë.
Modeli iPhone 17 Pro: me përmirësime në kamerë, bateri më të mirë, chip A19 Pro; çmimi fillestar rreth $1,100.
Modeli iPhone 17 Pro Max: më i fuqishmi i grupit, me karakteristika të ngjashme me Pro dhe sistem kamerash të avancuara; çmimi fillestar $1,200.
Çmimet:
iPhone 17- $799
iPhone 17 Air –$999
iPhone 17 Pro –$1,100
iPhone 17 Pro Max –$1,200
Ndërkohë, Apple njoftoi edhe për përmirësime në linjën e orëve inteligjente Apple Watch Series 11, përfshirë Apple Watch Ultra dhe SE, me veçori të reja shëndetësore për gjurmimin e hipertensionit dhe përmirësimin e gjumit. Pavarësisht sfidave të mundshme nga tarifat e reja tregtare të vendosura nga Trump për produktet që prodhohen në Kinë, Apple ka zhvendosur një pjesë të prodhimit në Indi për të shmangur rritjet e çmimeve. Megjithatë, përmendjet për inteligjencën artificiale (Apple Intelligence) ishin të pakta, edhe pse pritet një version i ri i Siri gjatë vitit 2026.
/vizionplus.tv
