2020 nuk pasqyrohet si vit me një bilanc negativ në regjitrimet dhe ç’regjitrimet e biznesit, në Qendrën Kombëtare. Referuar të dhënave zyrtare, në vitin që lamë pas kemi rreth 14 mijë biznese të reja të regjistruara, ose rreth 1.800 më pak se një vit më parë. Nga ana tjetër, edhe pse sipërmarrësit janë ankuar për krizë të thellë, numri i ç’rergjistrimeve në 2020 është 4.900 ose rreth 700 më pak se në 2019.
“Nëse do t’i analizojmë mirë shifrat, totali i biznesve që janë ç’regjistruar së bashku me ato që kanë kaluar në status pasiv përbëjnë një shifër thuasje të barabartë me numrin e bizneseve të reja që janë hapur, ndaj efekti i regjistrimeve të reja është zero në vitin që lamë pas”, shpjegoi në “E-ZONE” eksperti kontabël, Bujar Bendo.
Referuar të dhënave, ata që donominojnë në regjitrimet e reja janë njësitë e vogla ushqimore, farmaceutika si dhe shitja dhe riparimi i biçikletave. Të tri fushat janë të lidhura ngushtësisht me vitin pandemick që kaloi vendi si pasojë e COVID-19. Bendo thotë për “Vizion Plus” se një nga shkaqet pse kemi një numër të vogël bzinesesh që janë ç’regjistruar lidhet me faktin se ky proces është një kalvar i gjatë dhe i mundimshëm, mbi të gjitha biznesi duhe të ketë paguar të gjitha detyrimet para se të aplikojë për ç’regjistrim.
