Të shtëna me armë gjatë natës në Prishtinë, një i vdekur dhe një i plagosur

Në Prishtinë, një person ka humbur jetën dhe një tjetër është plagosur pas të shtënave me armë zjarri.

Ngjarja ndodhi mbrëmjen e djeshme rreth orës 22:30, në rrugën “Rrustem Hyseni”. Naser Gashi, 62 vjeç, ndërroi jetë në spital pas plagëve, përfshirë një plagë nga një mjet prerës. I plagosuri tjetër, Miftar Miftari, 41 vjeç, ndodhet në spital në gjendje stabile.

Lexo edhe :

Related Posts

Katër vrasje në tre ditë, Kurti kërkon veprime të menjëhershme dhe angazhim maksimal nga organet e rendit e drejtësisë

Dy personat e dyshuar thuhet se kanë qenë të maskuar.

Njoftimi i policisë:

Prishtinë 25.03.2025-22:25. Raportohet se dy persona të armatosur dhe të maskuar kanë shtënë me armë zjarri në drejtim të dy viktimave meshkuj kosovarë dhe si pasojë njëri nga viktimat ka ndërruar jetë në QKUK, ndërsa viktima tjetër gjendet në tretman mjekësor. Në vendin e ngjarjes kanë dal të gjitha njësitet përkatëse policore. Me vendim të prokurorit, trupi i pajetë i viktimës dërgohet në IML për obduksion.