LEZHË – Gjykata e Lezhës vendosi “arrest me burg” për Ruben Saraivwn, i dyshuar për vrasjen e biznesmenit Ardjan Nikulaj. Avokatit i tij Kujtim Cakrani tha se vendimi ishte i pa drejtë.
“Në seancën e shkuar Prokuroria kishte paraqitur një dosje prej 500 faqesh, në të cilën nuk kishte asnjë provë konkrete ku të saktësonte që personi nën hetim Ruben Saraiva të ishte ai që ka kryer aktin kriminal. Ne sot i kërkuam Gjykatës zëvendësimin e masës së sigurimit, me një masë më të butë, për faktin se gjithë këtë periudhë Prokuroria nuk ka ende një provë konkrrete për klientin tim”, tha avokati.
Lexo edhe :
E vetmja provë që ka Prokuroria, tha avokati, është dëshmia e një zonje, e cila është provë e pamjaftueshme.
Për sa i përket motorit të gjetur pas ngjarjes, avokati tha se çështja është sqaruar sot në Gjykatë dhe motori i Saraivës sipas tij, nuk ka lidhje me atë që është përdorur në ngjarje.
“Është gjetur një motor, por është gjetur në një vend ku nuk ka lidhje me Rubinin. Është gjetur dhe një motor tjetër me të cilin mendohet se ka lidhje shtetasi në fjalë, por ai motor për të cilin pretendon Prokuoria nuk është i ngjarjes. Sot u sqarua dhe në Gjykatë puna e motorit, unë e sqarova pasi e kundërshtova prokurorin por ai nuk kishte më çfarë të thoshte lidhur me këtë fakt”, shtoi avokati.
Që nga ekstradimi i tij dhe deri më tani Saraiva ka mohuar para togave të zeza përfshirjen dhe autorësinë e vrasjes se biznesmenit në Shëngjin, ngjarje e ndodhur vitin e kaluar.
Për ekzekutimin dyshohet se porositës është Edmond Haxhia, për të cilin autoritetet shqiptare kanë bërë një kërkesë ekstradimi në Britaninë e Madhe, por ende nuk ka një vendim.
Vrasja e Nikulajt lidhet me një zinxhir hakmarrjesh që përfshijnë dy fise dhe që ka prodhuar shumë viktima.
/vizionplus.tv
