Boçi: Procesi i SPAK ndaj Berishës është absurd, drejtësia po sjell vërdallë një forcë politike

Deputeti demokat Luçiano Boçi e konsideron si absurd procesin e drejtësisë ndaj ish-kryeministrit, Sali Berisha. Ai u shpreh në emisionin “Quo Vadis” se fundi i pandëshkueshmërisë nuk mund të provohet në këtë formë, ndërsa hodhi akuza se drejtësia nuk po vepron njësoj edhe për socialistët.

“Ne kemi hyrë në sistemin e ri në 2015, kemi pas kundërshtime nga PD që procesi do të jetë shumë i gjatë i Vettingut, do të krijojë boshllëqe dhe jemi shprehur vazhdimisht për këtë. Ne flasim për drejtësinë, çfarë bëri SPAK, kë arrestoi, po arrestoi Berishën erdhi drejtësia, por kjo është absurde, drejtësia është e drejta ime. Shiko inceneratorët, është vendosur kultura [ e pandëshkueshmërisë], votohen ato fukarenjtë që hedhin firmën”, tha ai. “Bravo drejtësia se po sjell vërdallë një forcë politike dhe po godet sistemin, kjo është të vëndosësh duart në kokë, shoqëria e vuan”, shtoi ai.