Forcat e armatosura turke kanë nisur sot sulme ajrore kundër pozicioneve të PKK-së në Irakun verior, duke shkatërruar 16 objektiva. Lajmi u njoftua nga Ministria e Mbrojtjes e Turqisë.
Lexo edhe :
Related Posts
Sulmet ajrore u nisën rreth orës 20:00 në zonat e Metinës, Garës, Hakurkut, Qandilit dhe Asos. Sipas Ministrisë së Mbrojtjes së Turqisë janë marrë masa për të shmangur viktimat civile.
Operacioni është pjesë e hakmarrjes për sulmin terrorist në Ankara, për të cilin Partia e Punëtorëve të Kurdistanit mori përgjegjësinë. PKK-ja ka kryer kryengritje disadekadëshe në Turqi dhe konsiderohet organizatë terroriste nga Shtetet e Bashkuara dhe Bashkimi Evropian. Dhjetëra mijëra persona kanë vdekur prej nisjes së konfliktit më 1984.
