Nga 1 tetori, të gjithë pensionistët do përfitojnë nga indeksimi i pensioneve në masën 8.6%.
Vendimi u miratua në mbledhjen e sotme të qeverisë dhe me këtë indeksim, pensioni mesatar do të bëhet 18.794 lekë.
Edhe pensioni social, që merret nga personat rezidentë shqiptarë mbi moshën 70 vjeç, të cilët nuk kanë të ardhura, do të pësojë rritje në të njëjtën përqindje.
Të moshuarit do ta marrin shtesën në ditën që do të tërheqin pensionin e tetorit.
Efektet financiare të vendimit në buxhet për tre muajt e mbetur të vitit llogariten në 3.2 miliarde lekë.
