Edi Paloka, i mandatuari i Partisë Demokratike për të hyrë në negociata me Gazment Bardhin e grupit të përçarësve të Enkelejd Alibeajt, ka reaguar në lidhje me deklaratën e këtyre të fundit që fajësonin PD-në për dështimin e negociatave.
Në një prononcim për mediat, Paloka tha se nga deklarata e grupit të Alibeajt ka kuptuar se ata nuk kanë pasur asnjëherë qëllim bashkëpunimin.
Sipas tij, qëllimi i grupit të përçarësve ka qenë shbërja e demokratëve dhe e statutit të PD-së.
“Duke lexuar deklaratën e tyre, duket se në asnjë moment nuk ka qenë qëllimi bashkëpunimi.
Ka qenë shbërja e demokratëve e statutit të PD-së. Duke lexuar deklaratën këtë mendim arrij. Gjatë gjithë kohës unë dhe PD i kemi krijuar të gjitha hapësirat e mundshme, modalitetet në mënyrë që bashkëpunimi dhe ndërthurja edhe e kandidatëve edhe e asaj pjese që nuk janë angazhuar të angazoheshin”, theksoi ndër të tjera Paloka.
