Një avion ushtarak afgan u rrëzua nga forcat e mbrojtjes ajrore të Uzbekistanit.
Diçka e tillë u konfirmua nga Ministria e Mbrojtjes në Uzbekistan, duke argumentuar se avioni kishte kaluar kufirin ilegalisht.
Zëdhënësi i ministrisë nuk dha detaje për numrin e pasagjerëve në bord apo nëse kishte të mbijetuar.
Bekpulat Okboyev, një mjek në provincën jugore të Surkhondaryo, që kufizohet me Afganistanin, tha për “AFP” se dy pacientë të veshur me uniforma ushtarake afgane u pranuan në spital të dielën në mbrëmje.
Ai tha se njëri kishte një parashutë dhe kishte pësuar fraktura.
