Hajdarmataj akuzoi zyrtarët e IMT/ Dalin dokumentat që rrëzojnë akuzat e Prokurorit

Bien akuzat e prokurorit Hajdarmataj ndan zyrtareve te IMT. Keta te fundit vendosen 60 mln lekë gjobë dhe kërkuan prishjen e objektit, por gjykata pezulloi ekzekutimin.

Dokumentet në fakt i japin të drejtë Inspektoriatit të Mbrojtjes së Territorit dhe rrëzojnë akuzat e ngritura nga Prokurori.

Besim Hajdarmataj ka akuzuar zyrtarët e IMT për mosveprim ndërkohë që dokumentet zyrtare tregojnë se inspektorët jo vetëm që kanë reaguar, por kanë gjobitur subjektin që është konstatuar pa leje me 60,000,000 lekë.

Në bazë të vendimit nr. 2962 datë 10/08/2020 pas ushtrimit ët kontrollit në subjekt, është konstatuar kundravajtja në tejkalim të lejes së marrë, duke sjellë marrjen e kundravajtës administrative prej 3,000,000 lekësh. Më pas, sërish IMT, pasi ka konstatuar se nuk është respektuar pezullimi i punimeve, duke marrë vendim nr. 3314 datë 2.03.2021 për të gjobitur subjektin me 57,803,400 lekë, duke e çuar në total mbi 60 milionë lekë shumën e dy gjobave të vendosura.

Pas marrjes së gjobës së dytë, IMT ka shkuar më tej, duke marrë vendimin për prishjen e objektit të kundërligjshëm në të njëjtën ditë kur u vendos gjoba 57.8 milionë lekë. Është Gjykata Administrative e Shkallës së Parë e cila e vënë në lëvizje nga subjekti që kreu kundravajtjen, mori vendimin për pezullimin e prishjes së ndërtimit pa leje si dhe të ekzekutimit të gjobave.

Për këtë vendim, IMT është ankimuar në Gjykatën e Apelit Administrativ, duke ndërmarrë kështu të gjitha veprimet që i parashikon ligji nga gjobitja me 3 mln lekë për konstatimin e tejkalimit të lejes, gjobitjen me 57.8 mln lekë për shkeljen e pezullimit të punimeve dhe më pas marrjen e vendimit për prishjen e objektit të kundraligjshëm.

Të enjten Prokurori Besim Hajdarmataj duhet te perballet me akuzat e ONM-së, përpara trupës së Kolegjit të Posaçëm të Apelimit.