Në përfundim të mbledhjes së Këshillit Politik, deputeti i opozitës parlamentare, Myslim Murrizi deklaroi se ekspertët konfirmuan se nëse në 30 korrik votohen ndryshimet kushtetuese, nuk preket asgjë nga marrëveshja e arritur më 5 qershor.
Murrizi tha se opozita joparlamentare duhet të paraqitet në mbledhje dhe të japë argumentet e saj, ndërsa shtoi mes të tjerash se e vetmja nismë ligjore që ka deformuar demokracinë në Shqipëri, është ai i 21 prillit të 2008. Sipas, atëherë shqiptarëve iu mohua e drejta e zgjedhjes.
“Ekspertët thanë se edhe nëse më 30 votohen ndryshimet kushtetuese nuk preket asgjë nga marrëveshja e famshme e qershorit. Kështu që nuk shoh pse nuk vijnë, cfarë kanë, që të na mbushin mendjen edhe neve. E vetmja nismë ligjore që ka deformuar demokracinë në Shqipëri, është 21 prilli i 2008, që shqiptarëve iu është mohuar e drejta e zgjedhjes. Shqiptarët janë kthyer thjesht në votues, jo zgjedhës. Kështu që ndryshimet rregullojnë demokracinë, votën, aq sa mundet në Shqipëri. Grupi jonë parlamentar për marrëveshjen e 1 qershorit është shprehur me firmë se nuk e voton. Ata janë gjithë kohën bashkë, vetëm orari i gjumit i ndan”, tha Murrizi.
