Negociatori i BE-së për Brexit, Michel Barnier ka rezultuar pozitiv me koronavirus. Këtë e ka bërë të ditur vetë francezi përmes një postimi në twitter këtë të enjte.
“Unë dua t’ju informoj se i jam nënshtruar testit për Covid-19 dhe ka dalë pozitiv. Po ia dal. Unë kam ndjekur të gjitha instruksionet e nevojshme. Kam një mesazh për të gjithë ata që janë të infektuar dhe për të gjithë ata që janë izoluar: ne do t’ia dalim të gjithë së bashku.”
Koronavirusi shpërtheu fillimisht në Kinë, ku u shënua numri më i lartë i të prekuve dhe viktimave. Mirëpo, Evropa është epiqendra e re e sëmundjes. Deri më tani, 9,149 persona kanë humbur jetën në të gjithë botën nga koronavirusi dhe 223,104 janë infektuar, ndërsa janë përmirësuar 85,797 pacientë.
