FSHF ka konfirmuar zyrtarisht se derbi I ditës së premte, më datë 13 dhjetor mes Partizanit dhe Tiranës do të zhvillohet për herë të parë në stadiumin e ri “Air Albania” në orën 19:00.
Kjo sfide e rëndësishme është e vlefshme për javën e 15-të të Kategorisë Superiore, edicioni 2019/2020.
Federata në lajmërimin për vendin ku do të luhet ky duel historic thotë se sportdashësit e të dyja skuadrave në këtë stadium modern me një kapacitet prej 21 690 vendësh, do të gjejnë kushtet më të mira, që janë të njëjta me stadiumet më në zë në Evropë dhe botë.
FSHF fton tifozët që ta shijojnë këtë sfide të madhe bashkë me familjet e tyre në stadium.
Derbi i kryeqytetit daton prej fillimit të vitit 1946 dhe që prej asaj kohe ka vijuar me një interes përherë në rritje, me grintë, duel sportiv dhe spektakël. Organizimi i kësaj super-përballjeje në impiantin e ri dhe modern sportiv të Shqipërisë, i jep derbit një imazh tjetër, si dhe sportdashësve një mbrëmje të paharruar.FSHF fton dhe mirëpret të gjithë sportdashësit, sëbashku me familjet e tyre – veçanërisht me fëmijët, për të shijuar magjinë e futbollit tonë.
Po sa kushton një bilete për të ndjekur duelin Partizani-Tiranë? Klubi i kuq që është edhe organizator i ndeshjes nxorri një njoftim në lidhje me cmimet e biletave.
Biletat në Tribunat Qëndrore:
Sektori: VIP GOLD Ë104 do të kushtojnë 5 000 Lek (të reja)
Sektorët: Ë103, Ë105 do të kushtojnë 4 000 Lek (të reja)
Sektorët: Ë101 , Ë102, Ë106 do të kushtojnë 3 000 Lek (të reja)
Biletat në Tribunën përballë:Sektorët: E103,E104,E105,E106,E107, E204,E205,E206, E207,E208 do të kushtojnë 1 500 Lek (të reja)
Sektorët: E201,E202,E203,E101,E102,E108 do të kushtojnë 1 000 Lek (të reja)
Sektorët: Nga N201 deri N207 dhe N101 deri N106 do të kushtojnë 500 Lek (të reja)
Sektorët:S102,S103,S104,S203,S204,S205,V101,V102V103,V201,V202 do të kushtojnë 500 Lek (të reja)
Biletat do të mund ti siguroni duke filluar nga dita e sotme e në vazhdim ora 10:00 deri 19:00 pranë pikës së shitjes, në stadiumin “Selman Stërmasi”.
Gjithashtu Biletat mund ti gjeni pranë dyqanit zyrtar të FSHF “Macron”, pranë Ambasadës Amerikane, si edhe pranë dyqanit “Joma” Sponsori Teknik i skuadrës, i pozicionuar pranë Godinës “ETC” te Rruga e Elbasanit.
Ndërkohe ka lindur menjehere një debat në lidhje me pozicionin e tifozeve.
Në parim sipas ndarjes se përcaktuar nga klubi Partizani, tifozet e Tiranës do të vendosen në tribunën që mban emrin e Vasillaq Zërit ndërsa ata të Partizanit do të vendosen në tribunën që mban emrin e Fatmir Frashërit.
Bardheblutë pretendojne se duhet te qëndrojnë ata në zonën e tribunës që mban emrin Fatmir Frashëri meqënëse ai ka qënë një legjende e bardhebluve.
