Ajo është padiskutim një nga figurat më ë njohura politike. E shohim jo në pak raste të ftuar në studio televizive ku shpreh opinione politike dhe jo vetëm.
Në një takim ndryshe në emisionin “Vizioni i Pasdites” në Vizion Plus Zana Guxholli, na ka prezantuar për herë të parë nusen e saj, një shtetase amerikane, Michel Biring Pani .
Të dyja, të ftuara në studio kanë ndarë për publikun marrëdhënien e tyre si nuse-vjehrrë.
Ajo ç’ka mësuam nga nusja Michel për Zana Guxhollin është se Zana është një vjehrrë shumë moderne dhe se i vetmi konflikt që ato kanë është për fëmijët, Zana është një gjyshe shumë e dhënë pas 2 mbesave të saj dhe kujdeset çdo moment për to.
Të dyja, nuse dhe vjehrrë kanë zbuluar dhe sekretin e një marrëdhënieje kaq pozitive dhe mesa duket merita i takon Zana Guxhollit, e cila nuk përfshihet për asnjë arsye në marrëdhënien e djalit të saj me nusen Michel.
Zgjedhja e tyre për të jetuar në shtëpi të ndryshme, gjithashtu ka ndihmuar në pasjen e një marrëdhënieje korrekte.
Zana Guxholli, ish këshilltarja e PD për financat nuk mund të mos fliste edhe per politiken. Ajo u shpreh se ka mall per adrenalinen qe i jepte angazhimi në jetën politike. E larguar prej disa vitesh nga sfera politike Zana Guxholli i është dedikuar botës akademike.
Ka nxjerre nusen per tu mbrojtur baxhella!