Kreu i grupit parlamentar i LSI, Petrit Vasili ka akuzuar KLP-në se po merr vendime në shkelje të hapur me ligjin.
Në një postim në “Facebook”, Vasili shprehet se krahas integritetit të ulët të prokurorëve KLP po merr vendime duke u vënë në funksion të kryeministrit.
Duke u ndalur tek nenet e rrëzuara nga Kushteteusja, Vasili shprehet se dispozitat e funksionimit të KLP janë shfuqizuar dhe se ky organ nuk mund të marrë dot vendime.
“Keshilli i Larte i Prokurorise me integritet shume te ulet dhe ne funksion te kapjes !!! KLP integriteti teper te ulet te cilit njihet publikisht,sepse pjesa dermuese e anetareve te tij jane kontestuar nga Operacioni Nderkombetar i Monitorimit si pa integritet dhe jo vetem nga ONM,megjithate vazhdon te marre vendime. Ecja ne kete rruge eshte ne funksion te kapjes nga kryeministri per te mbyllur aferat e pafund te tij dhe qeverise se tij, ndaj i duhet nje KLP e kapur dhe organe qe ngrihen prej saj gjithashtu te kapura. Keshilli i Larte i Prokurorise, megjithese ligji i mundesonte konstituimin,por i pengonte veprime te tjera, sepse Gjykata Kushtetuese ka shfuqizuar nenet perkatese,po vazhdon ne rrugen e paligjshmerise. Dispozita,që rregullon mënyrën e thirrjes dhe mbledhjes së këtyre organeve kolegjiale nuk ekziston, pasi ato rezultojnë të shfuqizuar (neni 61, dhe neni 159 i ligjit nr.115/2016 “Për organet qeverisësë në sistemin e drejtësisë”, janë shfuqizuar tërësisht). Pra ka vakum dhe mungesë rregullash se si ky organ mblidhet, dhe nuk ekziston asnjë rregull se cfarë të drejtash ka KLP dhe cfarë aktesh nënligjore mund të vendose.”
Sipas Vasilit, KLP nuk ka asnjë të drejtë që të interpretojë ligjet pasi kjo është vetëm një e drejtë e Gjykatës Kushtetuese.
“KLP nuk ka asnje te drejte te interpretoje ligjet pai kjo eshte nje e drejte vetem e Gjykates Kushtetuese si edhe nuk mund te marre pushtetin e Parlamentit i cili eshte i vetmi qe mund te miratoje ligje. KLP ndalu me paligjshmerine dhe kapjen!!! Asnje alibi nuk mund te justifikoje paligjshmerine dhe kapjen qofte kjo e shkruar ne shqip apo anglisht…”
