Alkooli ësht një pije që shpesh mund të shkaktojë dhe shumë problem tek trupi i konsumatorëve. Para se të pini alkool është e rëndësishme që të merrni disa masa paraprake.
Për të eleminuar efektet negative në shëndet dhe për të përgatitur trupin tuaj për një natë ku do të konsumoni pije alkoolike.
Proteina dhe yndyra të shëndetshme
Me më shumë ushqim në stomak, alkooli absorbohet më ngadalë shpjegon George F. Koob, drejtor i Institutit Kombëtar për abuzimin me alkoolin. “Kur pini me stomak bosh, ndiheni të trullosur shumë shpejt”, thotë ai. Disa ekspertë argumentojnë se ushqimi me proteina dhe yndyra është edhe më efektiv në ngadalësimin e absorbimit të alkoolit.
Fruta dhe perime
Këto ushqime janë një mënyrë e shkëlqyer për të qëndruar të hidratuar: “Frutat dhe perimet japin antioksidantë dhe vitamina që ju nevojiten për të qëndruar të shëndetshëm, duke siguruar gjithashtu një dozë të madhe uji”, thekson Felty. Kastravecat, selinoja, dhe shalqiri janë disa nga zgjedhjet më të mira.
Uji
Uji është i domosdoshëm para dhe gjatë konsumit të alkoolit. Madje është e këshillueshme që midis gotave të alkoolit të pini ujë për të shmangur efektin që jep dehja të nesërmen. Edhe shtimi i kubeve të akullit në pijen tuaj mund të jetë i dobishëm.
Nuk rekomandohen Çokollata, domate dhe erëza Alkooli në stomak bosh mund të shkaktojë acarim që çon në rritje të aciditetit, veçanërisht në dikë që ka probleme. ”Çokollata, domatja dhe disa erëza mund të jetë irritues që rrisin aciditetin gjithashtu dhe situata bëhet më e rëndë në bashkëveprim me alkoolin.
Kripë
Nëse e teproni me ushqime të kripura, të përpunuara përpara se të pini alkool, mund të keni ndjesi fryrjeje. Fryrja do t’ju bëjë të pini më pak ujë dhe kështu pasojat e alkoolit do të jenë më irrituese.
Kafeinë
Kafeina dhe alkooli jo gjithmonë përzihen. Efektet energjike të kafeinës ju japin një ndjenjë që nuk jeni të dehur, ose nuk jeni të përgjumur dhe kjo ju shtyn të pini më shumë alkool, por më pas do të vuani pasojat.
