Ish-ministrja e Integrimit dhe deputetja e Lëvizjes Socialiste për Integrim, Klajda Gjosha ka komentuar gjendjen kritike të Euros në vendin tonë, ku ka theksuar se fshihen paratë e pista.
Përmes një postimi në ‘Facebook”, Gjosha shkruan se është shqetësues fakti që kjo monedhë ka humbur 10% të vlerës në Shqipëri, ndërsa në vendet e tjera të Europës ka shfaqur qëndrueshmëri.
Sipas ish-ministres e gjithë kjo histori ka vetëm një të vërtetë, injektimin në ekonomi të “parave të pista” dhe kjo është një marrëzi që nëse nuk ndalet rrezikon të fundosë ekonominë shqiptare.
“Zhvlerësimi i Euros është komentuar shumë pak nga qeveria gjatë vitit të fundit, duke u munduar të sjellin spjegime për ta portretizuar këtë situatë si normale!Në fakt ky është një fenomen shqetësues për shumë qytetarë dhe biznese, por njëkohësisht tregon shumë për rrënimin e ekonomisë shqiptare.Vetëm gjatë vitit të fundit Euro ka humbur 10% të vlerës së saj! Cudia më e madhe është se kjo ka ndodhur vetëm në Shqipëri dhe në të gjitha vendet e tjera euro ka treguar qendrueshmëri!” E gjithë kjo histori ka vetëm një të vërtetë, injektimin në ekonomi të “parave të pista” dhe kjo është një marrëzi që nëse nuk ndalet rrezikon të fundosë ekonominë shqiptare!”
