Ata që e njohin Mira Meksin e dinë se rimarrja e miteve, legjendave, figurave dhe historive nga Spanja e Venecia magjike nuk është diçka e re. Por, këtë herë ajo e josh publikun shqiptar me “Kazanovën”.
Edhe pse njihet më së shumti si romanciere, në këtë panair të 21 të librit, Mira Meksi guxon me tregimet e shkurta dhe novelën e “Kazanovës”.
Mesazhi që fshihet pas kësaj vepre e lidh atë edhe më shumë me autorin që ajo ka përkthyer.
Në panairin e librit, autorja mblodhi rreth vetes dhjetëra dashamirës të letërsisë që ajo kultivon.
