Liverpul e nisi ne mënyrën me te mire fushatën e këtij sezoni ne Champions League duke hedhur kandidaturën qe ne javën e pare për fitimin e titullit kampion te turneut prestigjioz.
Ne supersfiden e Anfild Roud, te kuqte e Jurgen Klop munden ne një ndeshje me mjaft emocione Paris SG me rezultatin 3-2 ne grupin C.
Anglezet arritën te ishin ne avantazh te dy golave ne pjesën e pare fale rrjetave te Staridge dhe Milner nga pika e bardhe përpara se Menier te ngushtonte diferencën.
Ne pjesën e dyte Kilian Mbape ktheu gjithçka ne baraspeshe, përpara se Firminjo te vuloste shifrat duke i dhuruar tre pike skuadrës se tij.
Ne takimin tjetër ne Beograd Napoli i Elseid Hysaj u ndal ne një barazim pa gola ndaj Crvena Zvezdes.
Inter u kthye me një fitore pas 6 vjetësh teksa mundi ne San Siro Totenhem 2-1 ne grupin B.
Pas një pjese te pare pa gola ishin londinezet qe gjeten te paret rrjetën me Eriksen. Ndërkohë zikaltërit bene mrekullinë ne 7 minutat e fundit pas një perle te Ikardit dhe Vecino me koke.
Ne sfidën tjetër Barcelona shpartalloi PSV Eindhvoven 4-0. Heroi i takimit për katalanasit Leo Mesi autor i tre golave ndërsa la shenje ne këtë mbrëmje për vendasit dhe Dembele.
Fitore për dy skuadrat udhëtuese ne grupin A . Atletiko e Madridit mundi ne Luigji i Dyte Monakon 2-1.
Pas avantazhit provizor te Grandsir, Los Colchoneros arritën te prodhonin dy gola me Diego Costa dhe Hoze Himenez qe ne pjesën e pare.
Nga ana tjetër Borusia Dortmund u kundërpërgjigj 1-0 ne Bryzh fale rrjetës se Kristian Pulisic 5 minuta nga fundi.
Ne grupin e fundit atë D Gallatasaraj mundi me shifrat e thella 3-0 Lokomotiv Moske. Për turqit shënuan Gary Rodrigues, Eren Derdijok dhe Selcuk Inan.
Ne sfidën tjetër te këtij grupi Shalke dhe Porto nuk shkuan me shume se barazimi 1-1. Dragonjtë kishin mundësinë e avantazhit por Alex Telles gaboi nga pika e bardhe.
Avantazhit provizor te Embolo, portugezet ju kundërpërgjigjen me një tjetër penallti te firmosur nga Otavio. Sot do te zhvillohen 8 takime te tjera nga te cilat spikat ajo e kampioneve ne fuqi te Realit kundër Romes.
Ne vizion plus ne orën 22 e 55 do te keni mundësi te ndiqni ne emisionin “Kampionet” te gjitha golat, rastet e sfidave te mbrëmjes te shoqëruara nga analizat përkatëse.
