Presidenti amerikan Donald Trump nisi këtë të mërkurë udhëtimin e tij një javor në Europë. Turneu i tij përfshin 4 shtete europiane, ndërkohe qe ai nuk ka kursyer kritikat ndaj aleatëve të NATO-s, duke parashikuar madje se “më i lehti” i takimeve gjatë udhëtimit të tij mund të jetë ai kokë më kokë me presidentin rus, Vladimir Putin.
Duke folur për reporterët përpara largimit nga Uashingtoni për në Bruksel, ku do të marrë pjesë në samitin e NATO-s, Trump e kritikoi paktin, duke thënë se u ka bërë presion vendeve anëtare të NATO-s të përmbushin detyrimin e tyre për shpenzime sa 2 përqind e GDP-ve të vendeve respektive në fushën e mbrojtjes deri në vitin 2024.
“NATO duhet të paguajë shumë më shumë, ne po punojmë për këtë gjë. Kam vizitën në NATO, vizitën në Angli pastaj kam Putinin, që mesa duket është takimi më i lehtë. Ne paguajmë shumë më shumë se Bashkimi Europian, të shohim çfarë do të ndodhë, kemi përpara një javë të bukur.”
Pas Belgjikës, rrugëtimi i Trumpit do të vijojë në Angli ku mendohet të pritet me protesta masive. Më tej, do të zhvillojë një vizitë në Skoci dhe do të përfundojë vizitën me takimin me Putinin në Helsinki në date 16 korrik.
