Policia e Tiranës arrestoi 6 persona dhe shpalli në kërkim 3 të tjerë gjatë operacionit te koduar “Free Time”, pasi shfrytëzonin një vajzë për prostitucion, e cila u procedua në gjendje të lirë.
Burime pranë bluve thanë se të arrestuarit ofronin shërbime seksuale në grup me vajza eskort kundrejt pagesave 50-100 dhe 250 euro.
Nga kontrollet u gjetën dhe doza kokaine e hashashi. Sipas policisë, disa nga pjesëtarët e këtij grupi kanë qenë dhe më parë të proceduar për shfrytëzim prostitucioni, ndërsa zbulimi i tyre u arrit falë përgjimeve dhe denoncimit të një prindi se vajza e tij shfrytëzohej nga trafikantë.
Policia ka shpallur në kërkim dhe tre persona, mes te cilëve është dhe një vajzë, e cila rekrutonte studente të papuna në vështirësi ekonomike, për të ushtruar prostitucion.
Vetëm pak kohë më parë, policia goditi një tjetër rast të ngjashëm shfrytëzimi ne te cilin ishte i përfshirë dhe një efektiv i policisë rrugore.
E gjithë veprimtaria zhvillohej në bashkëpunim me taksistë të kryeqytetit, të cilët bënin të mundur transportin e vajzave tek klientët.
Sipas Policisë të arrestuarit janë:
-M. Thanas, 26 vjeçe, banuese në Tiranë.
-M. Çela, 38 vjeç, banues në Tiranë
-D, Haka, 34 vjeç, banues në Tepelenë
-R. Zhitoni, 39 vjeç, banues në Tiranë
-K. Zhilla, 26 vjeç, banues në Tiranë ,për veprën penale të “Mos kallzimit të krimit”
-D. Sharra, 27 vjeç, banues në Tiranë
