Ministri i Brendshëm, Suleyman Soylu turk theksoi se Turqia mund të lejonte nisjen e 15 000 refugjatëve në muaj drejt Evropës, ku Ankaraja është një partner vendimtar në luftën kundër imigracionit klandestin.
“Nëse ju e doni këtë, ne do të hapim rrugën për 15 000 refugjatë që nuk ua dërguam çdo muaj dhe ju të mbani frymën”, deklaroi Suleyman Soylu, sipas deklaratave të raportuara nga agjencia zyrtare turke e lajmeve “Anadolu Agency”.
“Ju duhet të dini se nuk mund të bëni lojëra në rajon pa marrë parasysh Turqinë”, shtoi ai.
Soylu kritikoi ndalimin e mitingjeve në mbështetje të referendumit për rritjen e pushteteve të presidentit turk në disa vende evropiane, kryesisht në Gjermani dhe në Holandë.
“A do të ndryshojë Kushtetuta në Gjermani, në Holandë? (…) Këto janë çështjet tona të brendshme. Çfarë rëndësie ka për ju? Me çfarë merreni ju?”, deklaroi ai.
Ai akuzoi gjithashtu këto dy vende për përfshirje në manifestimet anti-Erdogan në qershor 2013, protestat pro-kurde në tetor 2014 dhe përpjekja për grusht shtetit më 15 korrik 2016″, theksoi ai.
Turqia dhe BE-ja po kalojnë krizën më të rëndë diplimatike të këtyre viteve të fundit pas refuzimit të disa vendeve evropiane për të lejuar zyrtarët turq për të zhvilluar mitingje pro-Erdogan me diasporën turke në kuadër të referendumit të 16 prillit për forcimin e pushteteve të presidentit turk.
