Në çerek-finalet e Champions League-ës, Juventus duhet të shmangë Leicester City-in, të paktën kështu thotë kapiteni i saj Gianluigi Buffon. Kampionët e Italisë, u kaulifikuan duke mundur dy herë Porton me rezultat të përgjithshëm 3-0, ndërsa Liecester përmbysi Sevillan duke triumfuar 2-0 në King Power edhe pse nuk shihej si favorite.
Kështu Zonja e Vjetër dhe Dhelprat, iu bashkuan Realit të Madridit, Barcelonës, Bayernit dhe Dortmundit si 4 skuadrat e tjera cerek-finaliste. I pyetur pas kualifikimit, se cilën skuadër nuk do të donte përballë, 39-vjeçari Buffon tha hapur se nuk do të donte që të luante kundër kampionëve të Anglisë. “Ata janë një skuadër e rrëzikshme, luajnë me pasion dhe mund të të hapin goxha punë si kundërshtarë kur përballen me skuadra që luajnë me zotërim topi.
Ndaj tyre do kemi gjithcka për të humbur, ndërsa ata s’do kenë aspak presione të tilla” – ka thënë Buffon. Juventus, dy herë fituese e Champions League-ës, konsiderohet si e katërta favorite për ta fituar këtë trofe pas Barcelonës, Bayernit dhe Realit të Madridit. Buffon, i cili është në përfundim të karrierës së tij, nuk e ka fituar kurrë Championsin, ndërsa ka qenë dy herë finalist. Fillimisht në sezonin 2002-2003 u mund nga Milani në finale, ndërsa dy vite më parë nuk arriti ta mbrojë Juventusin përballë Barcelonës duke humbur 3-1 ndaj tyre.
