“BREXIT nuk do të thotë braktisje e Europës”

Në vizitën e tij të parë si ministri i jashtëm i Britanisë së Madhe në Bruksel, Boris Xhonson ka deklaruar se BREXIT nuk do të thotë braktisje të evropës. Deklarata është bërë gjatë takimit të jashtëzakonshëm të shefave të diplomacisë ku po diskutojnë qasjen ndaj terrorizmit dhe situatën në Turqi, pas tentativës për grusht shteti. Xhonson deklaroi se BE-ja do të jetë një ndër dy partnerët kryesor ekonomik të Londrës, pavarësisht vendimit të dalë prej saj. Negociatat mes Londrës dhe Brukselit për largimin e Britanisë pritet të zgjasin për të paktën dy vite.