Diskutimet per reformën ne drejtësi do te rinisin te mërkurën ne Komisionin e Posaçëm Parlamentar. Ambasadoret Lu e Vlahutin kane bere te mundur qe te bindin përfaqësuesit e PD-se dhe PS-se te marrin pjese ne ketë komision, ku do te jene te pranishëm dhe ekspertet e misioneve Opdate e Euralius. Por ndërsa spekulohet ne media per një kompromis mes palëve, mes tyre nuk ka asnjë afrim qëndrimesh ne lidhje me rekomandimet e Komisionit te Venecias. 11 kushtet e Partisë Demokratike mbeten po aty. Megjithatë, Lulzim Basha konfirmoi pjesëmarrjen e demokrateve ne komisionin e reformës ne drejtësi, gjate nje interviste per Zërin e Amerikës, qe ai zhvilloi pas takimeve me zyrtaret ne Shtetet e Bashkuara. Basha rikonfirmoi qëndrimin për ngritjen e Byrosë Kombëtare të Hetimit nen varësinë e Prokurorisë. Reforma ne drejtësi ka mbetur pezull, qe nga mbërritja e rekomandimeve përfundimtare te Komisionit te Venecias ne Tirane. Gjate dy javësh debate, nga mazhoranca është artikuluar si opsion edhe mbajtja e zgjedhjeve te parakohshme.
