Leonie Cassel, vajza 16-vjeçare e aktores Monica Bellucci dhe aktorit Vincent Cassel, ka bërë debutimin e saj zyrtar në botën e modës, duke hapur sfilatën Alta Moda të shtëpisë së njohur italiane Dolce & Gabbana në Taormina të Sicilisë.
Modelja e re u shfaq në pasarelën e organizuar në Parkun Botanik Radicepura, e veshur me një fustan elegant me motive lulesh dhe ngjyra të ndezura, të kombinuar me bizhuteri të veçanta dhe lule të vendosura në flokë. Paraqitja e saj u konsiderua një nga momentet më të spikatura të mbrëmjes, duke shënuar fillimin e karrierës së saj si modele.
View this post on Instagram
Në event morën pjesë emra të njohur të kinemasë dhe modës, mes tyre edhe nëna e saj Monica Bellucci, këngëtarja Jennifer Lopez dhe aktori Christian Bale.
Leonie është vajza e madhe e Monica Bellucci dhe Vincent Cassel, të cilët kanë dy vajza nga martesa e tyre, e cila përfundoi në vitin 2013.
16-vjeçarja ka tërhequr vëmendjen edhe më herët me paraqitjet publike, ndërsa debutimi në pasarelën e Dolce & Gabbana vjen vetëm pak muaj pasi pozoi së bashku me nënën e saj për numrin e prillit të revistës italiane Vogue.
/vizionplus.tv
View this post on Instagram
