Para gjykatës së Apelit në Paris, liderja e ekstremit të djathtë francez, Marine Le Pen është shpallur sërish fajtore për shpërdorim të fondeve publike të Bashkimit Evropian.
Vendimi konfirmon dënimin për keqpërdorimin e fondeve të Parlamentit Evropian, por njëkohësisht zbut pjesërisht masën e dënimit të dhënë në shkallën e parë.
Gjykata e Apelit e dënoi Le Pen me tre vite burg, ku dy prej tyre janë me kusht, ndërsa një vit do të vuhet nën mbikëqyrje elektronike me byzylyk elektronik.
Në të njëjtën kohë, gjykata shkurtoi edhe ndalimin për ushtrimin e funksioneve publike, duke lënë të hapur mundësinë që ajo të kandidojë në zgjedhjet presidenciale franceze të vitit 2027.
Çështja lidhet me akuzat se Le Pen dhe figura të tjera të partisë së saj, , kanë përdorur në mënyrë të paligjshme fonde të Parlamentit Evropian për të paguar punonjës që punonin për partinë në Francë dhe jo si asistentë parlamentarë në Bruksel. Për të njëjtën çështje janë shpallur fajtorë edhe më shumë se 20 anëtarë të tjerë të partisë, ndërsa apeli i shqyrtuar sot përfshinte 11 prej tyre.
Vendimi pritet të ketë ndikim të madh në skenën politike franceze. Le Pen mbetet një nga figurat më të fuqishme të opozitës dhe një prej emrave kryesorë në garën për presidencën e vitit 2027. Megjithatë, dënimi penal dhe detyrimi për të mbajtur byzylyk elektronik mund të ndikojnë në fushatën e saj politike, edhe pse rruga ligjore drejt kandidimit nuk është mbyllur plotësisht.
