Një aksident automobilistik është regjistruar pasditen e kësaj të marte në aksin rrugor Korçë–Pogradec, në afërsi të fshatit Sovjan.
Në aksident janë përfshirë tre automjete, ndërsa si pasojë një person ka mbetur i plagosur dhe disa të tjerë kanë pësuar lëndime të lehta.
I plagosuri është transportuar me urgjencë drejt Spitalit Rajonal të Korçës, ku po merr ndihmën e nevojshme mjekësore, ndërsa të dëmtuarit e tjerë ndodhen jashtë rrezikut për jetën.
Në vendngjarje kanë mbërritur shërbimet e Policisë Rrugore, të cilat kanë kryer veprimet e para hetimore dhe po punojnë për të zbardhur shkaqet dhe rrethanat e aksidentit.
Për një periudhë të shkurtër, qarkullimi në këtë segment rrugor u zhvillua me ngadalë deri në largimin e mjeteve të përfshira në përplasje.
/vizionplus.tv
