Një operacion policor në qarkun e Dibrës ka çuar në goditjen e një rasti të kultivimit të bimëve narkotike në zonë të pyllëzuar, si dhe në arrestimin e autorit të dyshuar.
Sipas njoftimit zyrtar, shërbimet e Komisariatit të Policisë Dibër, në bashkëpunim me DVP Dibër dhe Forcën e Posaçme “Shqiponja”, kanë ndërhyrë në fshatin Guri i Zi, ku u zbulua një parcelë me rreth 300 bimë të dyshuara Cannabis Sativa.
Në vendngjarje është arrestuar në flagrancë shtetasi Lulzim Marku,, 43 vjeç, banues në Tiranë, i cili dyshohet se kishte kultivuar bimët narkotike dhe i ruante ato i armatosur me armë zjarri (pushkë). Gjatë operacionit, policia sekuestroi edhe 6 fishekë.
Një pjesë e bimëve narkotike u sekuestrua si provë materiale, ndërsa pjesa tjetër u asgjësua me djegie.
Në vijim të hetimeve, ka nisur procedimi penal edhe për shtetasin H.Sh., me detyrë kryetar i fshatit Guri i Zi, i dyshuar për veprën penale “Shpërdorimi i detyrës”.
Materialet procedurale i janë referuar Prokurorisë së Dibrës, ndërsa operacioni antikanabis vijon.
/vizionplus.tv
